2025 жылдың 6 наурызында Атырау облысындағы «Ембімұнайгаз» АҚ-ның «Жылыоймұнайгаз» басқармасына қарасты Батыс Прорва кен алаңында №437 ұңғымасында газ шығып, өртеніп жатыр.
Компанияның баспасөз қызметінің мәліметі бойынша өрт перфорациядан кейін, сорапты-компрессорлық құбырларды (СКҚ) түсірген кезде басталған. Соның салдарынан құбырлар істен шыққан.
Өрт оқиғасынан зардап шеккендер жоқ. Компания ұңғыма аумағын қоршап, қалыпқа келтіру жұмыстарын жүргізіп жатқанын мәлімдеді.
«Ембімұнайгаз» АҚ – Қазақстандағы мұнай-газ өндірумен айналысатын маңызды кен орындарының бірі.
Естеріңізге сала кетейік, 2022 жылы Атырау облысы Жылыой ауданының Айранкөл кен орнында жерасты мұнай құбыры жарылып, мұнай төгілген еді. Зардап шеккендер болмады.
2023 жылы 16 қарашада Атырау облысындағы УАЗ кен орнында №103 ұңғымасындағы бұрғылау жұмысы кезінде газ шығып, кейіннен өзі тоқтаған.
Атырау облысы ірі мұнай-газ кен орындарына толы. Жалпы Қазақстанда мұнай өндіру өнеркәсібінің бастауы Доссор мен Мақат кен орындарынан басталды.
Атырау қаласынан оңтүстік-шығысқа қарай 350 км жерде әлемдегі ең ірі Теңіз кен орыны орналасқан.
Каспий теңізінің солтүстік бөлігінде Қашаған кен орны бар. Мұнайдың геологиялық қоры шамамен 4,5 миллиард тоннаға бағаланады.
Одан бөлек Қазақстанның батысында Қарашығанақ ірі мұнай-газ конденсаты кен орны жұмыс істейді.
