Атыраудағы Palma аквапаркінде шомылып жүрген 14 бала хлор буымен уланған. Олардың үшеуі ауруханаға жеткізілді. Дәрігерлер олардың жағдайын тұрақты деп бағалап отыр. Қалған балалар бақылауға алынды.
Қала әкімдігінің хабарлауынша, зардап шеккендерге медициналық көмек көрсетіліп, жағдай облыс әкімінің жеке бақылауына алынған. Денсаулық сақтау басқармасына барлық бассейн мен аквапаркке кешенді тексеру жүргізу тапсырылды.
Алдын ала деректерге сәйкес, ауадағы хлор көрсеткіші рұқсат етілген мөлшерден аспаған. Дегенмен су мен ауа үлгілері бойынша зертханалық сараптама әлі жалғасып жатыр.
Аталған жағдайға байланысты полиция қылмыстық іс қозғады. Аймақтағы барлық су нысандарының санитарлық нормаларға сәйкестігін анықтау үшін тексеріс басталды.
фото: pexels.com
