16 маусым күні Қытай Халық Республикасының Төрағасы Си Цзиньпин Қазақстанға жұмыс сапарымен келгені белгілі. Кездесу барысында Қасым-Жомарт Тоқаев Қытайға 1,5 мың киікті сыйға беруге шешім қабылдағанын айтқан.
«Қазақстан президенті Қасым-Жомарт Тоқаев Қытай үкіметіне 1.5 мың киік беру туралы шешім қабылдағанын мәлімдеді. Қытайдың батыс бөлігінде жерсінетін ақбөкендер көрші елдегі осы жануардың популяциясын қалпына келтіруге септігін тигізбек. ҚХР Төрағасы Си Цзиньпин Қасым-Жомарт Тоқаевқа ризашылығын білдіріп, Қытайда ақбөкендер санын көбейту үшін жүйелі шаралар жоспарланғанын жеткізді», — деп хабарлады Ақорданың баспасөз қызметі.
ҚХР басшысы Тоқаевқа алғыс білдірді. Енді Қытайдың батыс бөлігінде киік популициясы пайда болмақ.
Қазіргі уақытта Қазақстанда киік саны 4 миллионға жеткен. Оның 80 пайызы БҚО-да мекендейді. Шаруалар киік жайылымды таптады деп дабыл қағып жатыр. Ресейдің көрші облыстарындағы фермерлер де ақбөкендердің шекара асып келіп жатқанына наразылық білдірген. Үкімет киік саны реттеу мәселесін шеше алмай келеді.
Бұған дейін БҚО-да жүздеген киік суға батып кеткенін жазған едік.
фото: sarapshy.info
