Бұл жайлы Президент Қасым-Жомарт Тоқаев бүгінгі Қазақстан халқына жолдауында айтты. Бұл Тоқаевтың президент болғалы бесінші жолдауы.
«Мен биылғы күзде кезектен тыс Президент сайлауын өткізуді ұсынамын.
Әділетті Қазақстанды құру жолында түбегейлі және жан-жақты реформаларды табысты жүзеге асыру үшін халықтың жаңа сенім мандаты қажет.
Мен үшін мемлекет мүддесі бәрінен биік. Сондықтан мен өкілеттік мерзімімді қысқартуға және кезектен тыс Президент сайлауына баруға дайынмын.
Сондай-ақ, мен көп ойланып, Президент өкілеттігі мерзімдерінің санын және ұзақтығын қайта қарау қажет деген байламға келдім. Президент мандатын ұзақтығы 7 жылдық бір мерзіммен шектеуді ұсынамын. Бірақ қайта сайлануға тыйым салынады», — деді Қасым-Жомарт Тоқаев.
Президенттің айтуынша, бұл заңды Парламент мақұлдаса, жаңа саяси дәуір басталады.
t.me/SarapshyInfo
