Астанада 2035 жылға дейінгі жаңартылған бас жоспарды талқылау кезінде тұрғындар тығыз құрылыс пен жасыл аймақтардың азаюына қарсылық білдірді. Қоғамдық тыңдаулар «Астанагенплан» мекемесінің ғимаратында өтті. Бұл туралы BES.media порталы жазды.
Тыңдауға келген қала тұрғындары жаңартылған бас жоспарда қоғамдық кеңістіктерді дамыту мен көгалдандыру шаралары көзделгенімен, шындығында жасыл аймақтардың қысқарып, тұрғын үйлердің тым тығыз салынып жатқанын атап өтті.
Наразы азаматтар қолдарына плакат ұстап, заңсыз және тығыз құрылысқа жол бермеуді талап етті.
Жоба үкімет тапсырмасымен әзірленген. Онда көлік және әлеуметтік инфрақұрылымды дамыту, инвестиция тарту, сондай-ақ қаланың экологиялық жай-күйін жақсарту шаралары қарастырылған. Қаланың жаңа жоспарына 6,3 трлн теңге бөлінеді.
Қоғамдық тыңдаулар ашық форматта өтіп жатыр.
фото: gov.kz
