Астанада «Elorda Eco System» мекемесінің 80-ге жуық қызметкері жалақы мәселесін көтеріп, ереуілге шықты. Бұл туралы журналист Сәния Тойкен хабарлады.
Қызметкерлер қар күреу кезінде атқарылған артық жұмыс ақысын заңға сәйкес төлеуді талап етіп отыр.
«Elorda Eco System» жұмысшыларының бірі Қойшыбай Камаловтың сөзінше, соңғы жылдары мекеме басшылығы жиі ауысып, еңбек жағдайы нашарлаған.
Коммуналдық мекеме қол астындағыларға айына 348 мың теңге төлейді.
«Басқа ұйымдар жалақы көлемінде сыйақы алып жатады. Ал біз 50, 100 мың теңге көлемінде ғана аламыз», — деді Қойшыбай Камалов.
Шағымдар арасында себепсіз жұмыстан шығару да бар. «Elorda Eco System» бұған дейін қызметкеріне 20 литр жанармай ұрлады деген айып тағып, жұмыстан кетуді талап еткен.
фото: Сәния Тойкен / Facebook
