ҚР Статистика бюросының мәліметінше, 2023 жылдың үшінші тоқсанында Астанада байлар мен кедейлердің табыстары арасындағы алшақтық рекордтық деңгейге жетті.
Қаланың ең ауқатты 10% тұрғындарының орташа айлық табысы 64,3 млрд теңге болса, ең аз табыс табатын 10%-ы небәрі 8,7 млрд теңге алды. Осылайша, байлар мен кедейлер арасындағы табыс айырмашылығы 7,4 есе болды. Бір тоқсан бұрын бұл көрсеткіш 5,7 есе болған еді.
Ел бойынша табыс айырмашылығы ең көп байқалған өңір – Астана. Екінші орында Алматы тұр, онда бұл көрсеткіш 6,5 есе. Қазақстандағы орташа көрсеткіш – 6,3 есе. Ең аз табыс алшақтығы Шымкентте (3,2 есе) және Маңғыстау облысында (2,5 есе) тіркелді.
Табыс теңсіздігін көрсететін Джини индексі Астанада максимумға жетіп, 0,334 болды. Индекс неғұрлым бірлікке жақын болса, соғұрлым табыс теңсіздігі жоғары екенін көрсетеді. Бұл көрсеткіш 2008 жылдан бері ең жоғары деңгейде тіркеліп отыр.
Cурет: Pixabay
