North Caspian Operating Company экология заңнамасын өрескел бұзғаны анықталды. Атырау облыстық прокуротурасының дерегі бойынша кәсіпорынның шикі газды көп жағуының салдарынан ауа бүлінген. Компания белгіленген шекті ескермеген.
«Прокуратураның актісімен, жер қойнауын пайдаланушы ӘҚБтК-ның 356-бабы («Жер қойнауын пайдалану операцияларын жүргізу қағидаларын бұзу») бойынша әкімшілік жауапкершілікке тартылып, 3,6 млрд теңге экологиялық залал бюджетке толық өндірілді», — деп хабарлады облыстық прокуротура.
NCOC — мұнайгаз секторындағы ірі компания. Қазақстанда жұмысын 1941 жылы бастаған.
Компания акционерлері:
- Eni — 16,81%,
- ExxonMobil — 16,81%,
- Shell — 16,81%,
- Total – 16,81%,
- ҚМГ — 16,88%,
- CNPC — 8,33%,
- Inpex — 7,56%.
NCOC мәліметі бойынша 4 шілде күні Қашаған кен орнында өндірген мұнайы 1 млрд баррельге жеткенін хабарлады.
Компания басшысы Джнакрло Рую мұны тамаша жетістік деп атаған. Бірақ сарапшы Абзал Нарымбетов Солтүстік Каспий жобасы әлі бірінші фазаны аяқтамағанын, кен орнында мұнай өндіру 2016 жылы ғана басталғанын, сондықтан айтарлықтай нәтиже деп айтуға келмейді деп сынады.
2022 жылы компаниядан Атырау облыстық экология департаменті 5 млрд доллар өтеу жөнінде нұсқама берген. Бұл дау ұзаққа созылды. 2025 жылы Жоғарғы сот компанияның шағымын ішінара қанағаттандрып, істі қайта қарауға жолдады.
«Ақжайық» басылымы 29 сәуір күні NCOC компаниясының бөлім басшысы Б. Шпанованың өз пәтерінде өлтірілгені туралы жазды. Күдікті тергеу органдарынан қашып кетіп, Маңғыстау облысында ұсталған.
фото: ncoc.kz
