Қарашығанақ оперторлары халықаралық арбитражда ұтылды. Акционерлер құрамында Eni мен Shell компаниялары бар.
Енді жоба иелері 4 млрд доллар айыппұл төлеуі мүмкін.
Сот өнімді түпкілікті бөлу туралы келісімге сәйкес компаниялар мемлекет есебінен шығындарын жапқанына келіспеген үкіметтің дәлелдемелерін негізге алған.
Bloomberg-тің жазуынша, арбитраждық сот мұнай компанияларының іс жүргізуді ішінара тоқтату туралы өтінішін ескіру мерзімі өтіп кеткен деген себеппен қабылдамады.
Дегенмен операторлардың сот шешіміне шағымдануға құқығы бар.
«…Қазақстанның сыртқы заң кеңесшілері арбитраждық шешімге сәйкес, Қарашығанақ жобасының серіктестері, соның ішінде Chevron Corp., Lukoil PJSC және ҚазМұнайГаз компаниялары 2-ден 4 миллиард долларға дейін қайтаруы керек деп санайды. Қайтару механизмі өнімді бөлу туралы келісім бойынша мұнайды бөлу формуласына өзгерістер енгізу арқылы жүзеге асырылады», — деп жазды басылым.
Қарашығанақ жобасындағы компаниялар үлесі:
- Shell — 29,25%
- Eni -29,25%
- Chevron — 18%
- Лукойл — 13,5%
- ҚазМұнайГаз — 10%.
Айта кетейік, өнімді түпкілікті бөлу туралы келісім 1990 жылдары қабылданған. Сол кезде келіссөздер қалай жүргізілгені туралы Sarapshy.info жазды.
Сарапшылар газ өңдеу зауытын салу мәселесіне Қарашығанақ акционерлері құлықты емес деп санайды.
