Қарағанды облысында болған жол-көлік оқиғасы салдарынан инкассатор көлігінде бір адам көз жұмды. Сонымен қатар 3 млн теңгеден астам ақша көлікпен бірге өртеніп кетті. Бұл туралы облыстық полиция департаменті хабарлады.
Полиция департаментінің мәліметі бойынша, жолда Toyota Camry жүргізушісі рөлге ие бола алмай, Lada Largus инкассатор көлігімен соқтығысқан.
Апат салдарынан 28 жастағы ер адам оқиға орнында қаза тапты. 36 жастағы жолаушы мен Toyota көлігінің 41 жастағы жүргізушісі ауруханаға жеткізілді.
Жол апаты бойынша қылмыстық іс қозғалды.
Қарағандыда апат салдарынан инкассатор көлігі өртенді
