«Алматы Су» коммуналдық кәсіпорнының күрделі құрылыс департаментінің директоры Мақсат Жолдыбаев 5 жылға сотталды.
Жолдыбаев Алматы қаласында кәріз жүйесін жөндеу және су жүйесін қалпына келтіру жұмысына бөлінген мемлекеттің 75 миллион теңге қаржысын кәсіпкерден жымқырып алмақ болды деп айыпталды. Ол жалған құжаттарға қол қою арқылы ойдағысын жүзеге асырмақ болған.
Бастапқыда сот оған шартты түрде бес жыл жаза тағайындап, тек басшылық қызмет атқаруға тыйым салған. Бірақ прокуратура бұл жазамен келіспей, апелляцияға берді.
Соның нәтижесінде қалалық сот үкімді күшейтіп, Жолдыбаевқа нақты 5 жыл түрме жазасын кесіп, басшылық қызметпен айналысу құқығынан айырды.
Ол сот залында қамауға алынды. Үкім заңды күшіне енді.
Осыған дейін «Жасыл аймақ» КММ-нің бұрынғы басшысы И. Бегасилов 14,9 млн теңге бюджет қаражатын жымқырғаны үшін 2 жыл 6 айға сотталды.
