18 желтоқсан күні кешке Абай облысы Аягөз қаласында қосалқы станция өртенді. Соның салдарынан қалада жарық өшті. Бұл ақпарат әлеуметтік желі мен бұқаралық ақпарат құралдарында тарады.
Станциядағы өрт 23:59-да өшірілген. Қазіргі ахуал бойынша округтердегі электр қуаты біртіндеп қалыпқа келіп жатыр. Тек Аягөздің бір бөлігі мен Мамырсу ауылдық округінде ғана жарық беру жұмыстары жүріп жатыр.
Жөндеу жұмыстарына Үржар, Жарма, Өскемен және Семейден келген бригадалар тартылған.
Сурет: pexels.com
