БҚО-дағы Ақжайық ауданында 2027 жылы калий тұздарын өндіретін жаңа кәсіпорын ашылады. Бұл туралы премьер-министр Олжас Бектенов өткізген жиында белгілі болды.
Сәтимола кен орнында салынатын өндірістік кешенге «Qazaq Kalium Ltd» компаниясы жауапты. Жобаға 1,2 трлн теңге инвестиция салынған. Зауыт 4 мың адамды жұмыспен қамтиды.
Бастапқыда кәсіпорын жылына 1,5 млн тонна калий тыңайтқышын өндіреді. Комбинат толық іске қосылған кезде оның қуаттылығы жылына 12 млн тоннаға дейін жетеді.
Сәтимола кен орны Жайық өзенінен ондаған шақырым қашықтықта орналасқан. Кен орны 1960 жылдары ашылған.
Өндіріс орны үкімет ірі индустриялық бастамалар қатарына енгізген, қайта өңдеу саласын дамытуды көздейтін бес жобаның бірі саналады.
фото: istockphoto.com
