Ақтауда техникалық регламент талаптарына сәйкес келмейтін дизель сатқан кәсіпорынға қатысты іс қозғалды. Бұл туралы Маңғыстау облысы бойынша техникалық реттеу және метрология департаменті хабарлады.
Тексеріс барысында ДТ-Л-К4 маркалы дизель отынының қауіпсіздік талаптарына сай келмейтіні анықталған. Өнімдегі күкірттің массалық үлесі 115 мг/кг-ні құрайды, ал рұқсат етілген норма 50 мг/кг-дан аспауға тиіс. Осылайша көрсеткіш белгіленген шектен 65 мг/кг-ға жоғары болып шыққан.
Маңғыстау облысының мамандандырылған ауданаралық экономикалық соты кәсіпкерлік нысанын дизель отынының сату құқығынан айырды.
Айта кетейік, қазір елде дизель отыны мен жанармай бағасына қатысты шағымдарды қабылдайтын байланыс желісі ашылды.
фото: freepik.com
