Ақтаудағы теміржол өткелінде жеңіл көлік тепловозға келіп түйісті. Бұл туралы Маңғыстау облысының полиция департаменті хабарлады.
Жол апаты 2 қаңтарда сағат 09:00 шамасында жанармай құю бекеті маңындағы теміржол өткелінде тіркелген.
Chevrolet маркалы автокөлікті басқарған жүргізуші жақындап келе жатқан тепловозды байқамаған. Қазір ол облыстық көпбейінді ауруханаға жатқызылды.
Жүргізушіге әкімшілік кодекстің 610-бабы (Көлік құралдарын басқарған адамдардың жол жүрісі қағидаларын бұзуы, адамның денсаулығына зиян келтіруге не көлік құралдарының немесе өзге де мүліктің бүлінуіне әкеп соғуы) бойынша хаттама толтырылды.
фото: istockphoto.com
