Қаңтар оқиғасы кезінде берілген бұйрықтарға талдау жүргізілуде

Бұл жайлы ҚР Ұлттық қауіпсіздік комитеті төрағасының орынбасары Асқар Әмірханов айтты. Ол ҰҚК-ның бұрынғы басшысы Кәрім Мәсімовке қатысты істі тергеу барысы жайлы да БАҚ-қа пікір білдірді.

ҰҚК төрағасының орынбасарының айтуынша, Қаңтар оқиғасы кезінде Кәрім Мәсімов пен Самат Әбіш жұмыс орнында болған. «Олар қандай бұйрықтар бергенін айта алмаймын. Қазіргі кезде тергеу барысында осы бұйрықтарға егжей-тегжейлі талдау жүргізіліп жатыр», – деді Асқар Әмірханов.

Биыл маусым айының басында ҚР Ұлттық қауіпсіздік комитетінің экс-төрағасы Кәрім Мәсімовті қамауда ұстау мерзімі тағы ұзартылды. ҚР Ұлттық қауіпсіздік комитеті төрағасының орынбасары Асқар Әмірхановтың сөзіне қарағанда, тергеу амалдары аясында Самат Әбіштен жауап алынып жатыр. Аталған істе мемлекеттік құпия мәліметтері бар екенін, соттың ашық немесе жабық тәртіпте өтуін сот органдары шешеді.

sarapshy.info

Сурет rus.azattyk.org

Әлеуметтік желілер арқылы бөлісуді ұмытпаңыз

Пікір үстеу

Э-пошта мекенжайыңыз жарияланбайды. Міндетті өрістер * таңбаланған