«Ежелгі Тараз ескерткіштері» тарихи-мәдени қорық-музейі Айша-Бибі кесенесі аумағындағы жерді заңсыз иемденген бес кәсіпкерді сотқа берді. Бүл туралы ҚР Жоғары соты хабарлады.
Музейге Айша-Бибі кесенесі орналасқан 2 гектар жер заңды түрде берілген. Бұл аумақ әкімдік шешімімен тарихи-мәдени, рекреациялық және ерекше қорғалатын аймақ ретінде бекітілген. Алайда бес кәсіпкер аталған аумақта ғимараттарды заңсыз иемденіп, коммерциялық қызметпен айналысқан.
«Музей-қорық сотқа жүгініп, кәсіпкерлерді өздері тұрып жатқан ғимараттарды босатуды талап еткен, өйткені жауапкерлерде сауда жасауға рұқсаттары, сондай-ақ бұл үй-жайларды кәсіпкерлік үшін пайдалану құқығы мен құжаттары жоқ», — делінген сот хабарламасында.
Жамбыл аудандық соты кәсіпкерлерді ғимараттарды босатуға міндеттеді. Қаулы заңды күшіне енді. Кәсіпкерлер Айша-Бибі кесенесі аумағындағы заңсыз ғимараттардан шығуы тиіс.
Сурет: kieli.kz
