Мемлекеттік кірістер комитетінің хабарлауынша, 12 блогер өз еркімен 1,4 млрд теңге көлемінде қосымша табысын декларациялап, 73,6 млн теңге салық төледі.
Істің мән-жайы
Бұған дейін комитет әлеуметтік желі арқылы табыс табатындарға салық төлеу керек екенін ескертті.
Барлығы 854 блогерге «кірісті төмендету» бойынша заң бұзушылықтар үшін 71,9 млрд теңге сомасында камералдық бақылау туралы хабарламалар жіберілген.
Мәселе
Желілерде комитет көрсеткен қаражат айналымдағы ақша ма, әлде салық межесі ме, нақты не екенін білмейтінін айтып, дау айтқан блогерлер де болды.
«71,9 млрд теңге шамасындағы айырмашылықтар – төленбеген салық сомасы емес. Бұл – блогерлердің салық декларациясында көрсетілмеген болжамды табыс», — деп түсіндірді МКК.
Блогерлер түсініктеме бередi
«Камералды бақылау кезінде салық төлеушіге табысын өз еркімен декларациялап, есептелген салықтарды төлеуге немесе оған келіспесе, түсініктеме беруге мүмкіндік беріледі», — деп хабарлады комитет.
Сурет: freepik.com
