Орал қаласының №2 сотына көлік жүргізушісі жол-көлік оқиғасы салдарынан болған шығынды өтеу үшін қала әкімдігінің тұрғын үй-коммуналдық шаруашылығы және жолдары бөліміне қарсы шағымданды.
Ол азаматтық іс негізінде сотқа материалдық шығынды өндіріп беру жөнінде талап арыз түсірді.
2024 жылдың наурыз айында қала тұрғыны автокөлігімен Дәулеткерей мен Лермонтов көшелерінің қиылысындағы жолдағы терең шұңқырдан өткен. Қар мен жаңбыр суына толып тұрған шұңқыр кесірінен автокөлік бұзылған.
Әкімшілік құқықбұзушылықтар жөніндегі мамандандырылған соттың шешімімен жауапкер кінәлі екенін анықталып, заңды тұлға әкімшілік жауапкершілікке тартылды. Осыған сүйене отырып, талап қоюшы соттан жол-көлік оқиғасынан келген шығынды өтеуді сұрады. Ол көлікті жөндеуге кеткен 605 080 теңгені және залалды бағалауға жұмсалған 60 000 теңгені өндіріп беруді талап етті.
Сот іс материалдарын зерделеп, жауапкердің кінәсі дәлелденгенін ескере отырып, талап арызды толықтай қанағаттандырды. Әкімшілік соттың шешімі бойынша «Орал қаласының тұрғын үй-коммуналдық шаруашылығы, жолаушы көлігі және автомобиль жолдары бөлімі» ММ талап қоюшының пайдасына жалпы сомасы 665 080 теңге материалдық шығынды өтеуге міндеттелді.
Шешім заңды күшіне енді.
Сурет: Pixabay.com
