2024 жылы қыркүйек-қараша айында Ақжайық аудандағы 15 мүгедек баланы оқытуға бөлінген шығындар өтелмей қалған. Оған себеп – ауданның жұмыспен қамту және әлеуметтік бағдарламалар бөлімінің бюджет қаражатын дұрыс есептемегені.
Батыс Қазақстан облысы Ақжайық ауданының прокуратурасы мүгедек балалардың үйде оқу шығындарын төлеу тәртібін тексеріп, соның нәтижесінде бюджет қаражатын дұрыс жоспарламағанын анықтады.
Прокуратура ұсынысы бойынша мәслихаттың шешімімен бюджеттен 592 180 теңге көлемінде қаражат бөлінді. Бұл қаржыға балалардың оқу шығыны өтелді. Қазіргі уақытта кінәлі тұлғалар жауапкершілікке тартылды.
Зардап шеккен балалардың құқықтары қорғалды.
Осыған дейін мүгедектерге ымдау тілі мамандары сурдоаударма қызметтерін көрсетті деп ақы алған «Шығыс» корпоратив қорының басшысының алаяқтық ісі туралы жаздық.
Сурет: Pexels.com
