Мемлекет басшысы Қасым-Жомарт Тоқаев облыс әкімі Ғали Есқалиевке 2020 жылы үш ауысымды және апатты жағдайдағы мектептерге қатысты мәселелерді түбегейлі шешуге тапсырма берген болатын.
БҚО білім басқармасының мәліметінше, қазіргі уақытта облыста үш ауысымда оқытатын 4 мектеп бар. Олар – Орал қаласындағы Х.Доспанова атындағы №30 және №18 мектеп, Подстепное ауылындағы қазақ мектебі және Ақсай қаласындағы №7 мектеп.
Өкінішке қарай, апаттық жағдайдағы 6 мектептің мәселесі толық шешілген жоқ. Казталов ауданында 4 мектеп – Казталов ауылындағы А.Оразбаева атындағы және Хұсайынов атындағы мектеп, Сарықұдық негізгі мектебі мен Қоныс орта мектебі апаттық жағдайда.
Сондай-ақ апаттық жағдайдағы мектептеп қатарында Ақжайық ауданы М.Өтемісов атындағы мектеп пен Ақсай қаласындағы №1 мектеп те бар.
Нұрлыбек Рахманов,
sarapshy.info
суретте 2019 жылы опырылып құлаған БҚО, Бәйтерек ауданындағы колледж ғимараты. Тозған ғимарат апатты жағдайда деп танылған соң пайдаланылмай бос тұрды. Опырылып құлаған уақытта ішінде адам болмады*
