Қазақстанда екі бағыт бойынша жұмыс жүргізіледі, олар – капиталды елге қайтару және офшорға қаржы шығаруға тосқауыл қою. Бұл туралы ҚР Президенті Қасым-Жомарт Тоқаев бизнес өкілдерімен кездесуде мәлімдеді.
«Үкімет инвестициялық міндеттеменің орындалуына талдау жүргізуі керек. Дәл қазір шетелдік инвестициялар үшін күрес шиеленіскен кезде біз ішкі резервтерге барынша көбірек арқа сүйеуіміз керек. Мұнда әрине, отандық компаниялардың қаражаты туралы айтылып отыр. Егер сіздер өз болашақтарыңызды Қазақстанмен байланыстырсаңыздар, онда қаражаттарыңызды біздің елге қайта инвестициялау керек. Сіздердің Қазақстан алдындағы әлеуметтік және саяси жауапкершіліктеріңіз осы. Іс жүзінде «Елде табыс табамыз – оны шетелде жұмсаймыз» деген қағидаттың болуына бұдан былай еш құқығы жоқ», — деді Қасым-Жомарт Тоқаев.
Мемлекет басшысы жұмыс екі бағыт бойынша жүргізілетінін айтты. «Сондықтан жұмыс екі бағыт бойынша жүргізілетін болады – елге капиталды қайтару мен капиталды қайтаруды ынталандыру, сондай-ақ офшорға қаржы шығаруға тосқауыл қою»,-деді Қасым-Жомарт Тоқаев.
«Үкімет барлық кен орындарына тексеру жүргізуі тиіс. Егер кен орны құрдан бос алынса, онда оны қайтарып алу және ол жерде жұмыс істеуге дайын тұрғандарға беру қажет», — деп атап өтті Мемлекет басшысы.
«Елге инвестиция тартудың тағы бір бағыты мемлекеттік-жекешелік серіктестікті қайта ретке келтіру болуы тиіс. Бүгінде бұл құрал шын мәнінде мемлекеттік сатып алулар процендурасын айналып өтуідің құралына айналған. Бюджетке барлық кәсіпкерлік тәуекел аударылады. Жоғары жеңілдіктер мен жоғары шектеулер негізсіз ұсынылады. Үкіметке мемлекеттік-жекешелік серіктестіктің жаңа заманауи тәсілдерін құру қажет», деді Қасым-Жомарт Тоқаев. ҚР Президентінің атап өтуінше, міндеттемелер, тәуекелдер мен кірістер бастамашылар мен мемлекет арасында теңгерімді бөлінуі тиіс.
Сондай-ақ экономиканы деолиголизациялау бойынша қатаң саясат қажет деп атап өтті Президент. «Жасанды құрылған жекеменшік монополияға сараптама жүргізу қажет. Операторлар, әсіресе жекеменшік операторлар өткенге кетуі тиіс. Егер естеріңізде болса, бұрынырақта «өтеп алушы» деген термин болған. Жеке компания тиісті төлемге мемлекеттің бірқатар экономикалық қызметін өзі орындау үшін сатып алды. Мұның ешқандай да жақсылығы болған жоқ. Бәсекелестік үшін бәрі ашық болуы тиіс. Ертеректе қабылданған барлық шешімдерге сараптама жүргізу жәнен оларды өзгерту бойынша шара қабылдау қажет. Нарықта жасанды жолмен құрылған барлық көптеген делдалдық тізбекті жою қажет. Ешкім шешкісі келмейтін проблема», — деген Қасым-Жомарт Тоқаев Үкіметке жекеменшік монополияға заңнамамен тыйым салуды қамтамасыз етуді тапсырды.
