Орал қалалық соты мемлекеттік қызметшіге қатысты алаяқтық ісін қарады. Сотталушы Қылмыстық кодекстің 190-бабы 3-бөлігінің 2-тармағына сәйкес кінәлі деп танылды.
Істің мән-жайы:
- Автожолға күрделі жөндеу жүргізетін мердігерді анықтау мақсатында мемлекеттік сатып алу порталында ашық конкурс өткізілген.
- «Батыс Қазақстан облысының жолаушылар көлігі және автомобиль жолдары басқармасы» ММ мен жеңімпаз ЖШС келісімшарт жасасты.
- Мердігер ЖШС-ның директоры келісімшарт негізінде аванс төлемін алған.
- Бас маман өзінің қызметтік өкілеттігіне жатпайтынын біле тұра тендердің қалған қаражатын аудартамын деп ЖШС басшысынан 500 000 теңге сұраған.
- Кәсіпкерден қулығын асырмақ болған басқарма қызметкері ақшаны өзінің Kaspi Bank шотына аудартқызып, жымқырған.
Сот шешімі:
- Сотталушы өз кінәсін мойындады.
- Өмір бойы мемлекеттік қызметте жұмыс істеу құқығынан айырылды.
- Бас маман 5 миллион теңге қылмыстық айыппұл өтейді.
Сот үкімі заңды күшіне енді.
Сурет: freepik
