Бүгін Америка Құрама Штаттарының бұрынғы Президенті, республикалық партия өкілі Дональд Трамп пен демократиялық партия үміткері, қазіргі вице-президент Камала Харриспен өткен қызу сайлау нәтижесі жарияланды. Дональд Трамп АҚШ-тың 47-президенті болып сайланды. Бұл туралы шетел басылымдары жарыса жариялады. Трамптың жақтастары да қуаныштарын тойлап жатыр.
78 жастағы Президент экономиканы жақсартуға күш салатынын, сырттан келетін мигранттар толқынын тоқтататынын, АҚШ-тың Қытай секілді қарсыластарына қаталырақ болатынын, мұнай бағасын төмендететінін мәлімдеген.
Трамп жеңістен кейінгі сөзінде:
«Бұл – Америка халқының ұлы жеңісі, жеңісіміз Американы тағы да ұлы етуге мүмкіндік береді», — деді.
Оны бірінші болып Сальвадор Президенті Наиб Букеле құттықтады. Сонымен қатар басқа да ел Президенттері лебізін жолдап жатыр.
Естеріңізге сала кетейік, сайлауалды науқанда Трампқа шабуыл жасалған болатын.
Трамп 2017-2021 жылдар аралығында АҚШ-ты басқарды. 2022 жылы сайлауда Байденнен жеңілген еді.
Сурет: Wikipedia
