3 қазаннан бастап жөндеу жұмысына жабылған Қашаған кен орны толығымен іске қосылды. Бір айға жоспарланған жөндеу жұмысы 7 қазанда басталып, 27 қазанда аяқталды.
Осыған дейін Энергетика министрі күрделі жөндеудің аяқталып, мұнай мен газ өндіру қайта басталғанын хабарлаған еді. Осы уақыт аралағында елде көгілдір отын жетіспеушілігі туындаса, газды көрші елдерден импорттайтынын айтқан болатын.
Қашағандағы жөндеу неге әсер етті?
Мамандар Қашаған секілді ірі кеніштің жиі жөндеуге жабылуы ОПЕК+ келісімі бойынша міндетін атқаруға кедергі келтіретінін және шаруалардағы техникалардың жүруіне де кері ықпал ететінін айтады.
Қашаған кен орнында 2023 жылы 89,9 млн тонна мұнай өндірілген. Ал 2024 жылға 90,3 млн тонна мұнай өндіру жоспарланған еді. Алайда Энергетика министрі Алмасадам Сатқалиев Қазақстан 2024 жылдың соңына дейін 88 млн тоннадан астам мұнай өндіруді жоспарлап отырғанын айтты. Демек, жөндеу жұмысы жоспарланған межеден бірнеше тоннаға төмен көрсеткішке әсер етті.
Елдегі ақпарат құралының біріне сұхбат берген сарапшы Абзал Нарымбетов:
«90 млн тонна мұнай өндіру межесіне соңғы рет 2019 жылы жеттік. Одан бері қол жеткізе алмай келе жатырмыз. Сол кезде-ақ сарапшылар Қазақстан үшін мұнай өндірудің ең жоғары шегі осы 90 млн тонна екенін айтқан болатын», – дейді.
Қашаған туралы не білеміз?
Қашаған кен орны – Атырау қаласынан 80 шақырым жерде Каспий теңізінің солтүстік бөлігінде әрі теңізде орналасқан ең ірі мұнай кен орны.
Елдің табысына үлес қосады деп үміт артылған кен орыны 2020 жылы CNN Money тізімінде әлемдегі ең қымбат «энергетикалық жоба» деп көрсетілген.
Өндіріс орнының жалпы құны 116 млрд долларға тең деп бағаланған.
Сурет: kmg.kz