Қазақстанда теміржол машинасын жасау саласында 423 млрд теңгеге өнім өндірілген. Бұдан өндірістің 1,5 есе ұлғайғаны белгілі болды.
Қанат Шарлапаев атап өткендей, жыл қорытындысы бойынша жүк вагондары өндірісінің 4 есе – 2 мың бірлікке дейін, жолаушылар вагондарының 122 бірлікке дейін, локомотивтердің 130 бірлікке дейін өсуін қамтамасыз ету міндеті тұр.
Wabtec және Alstom компанияларының технологиялары бойынша локомотивтер, сондай-ақ жүк және жолаушылар вагондарының өндірісі жолға қойылған.
«Теміржол машиналарын жасау дамудың үлкен әлеуетін білдіреді. Қазіргі уақытта жылжымалы құрамның жалпы паркі шамамен 139 мың бірлікке жетеді. Орташа тозу – 55%. Осыған байланысты жаңа жобаларды іске қосу жұмысы жүргізіліп жатыр», – деді министр.
Мәселен, биыл «ТексолТранс» компаниясы қуаты жылына 6 мың бірлік жүк вагон мен цистерна өндіру бойынша жобаны іске асыруды бастаған.
2025 жылы «Штадлер Қазақстан» зауытында қуаты жылына 100 бірлік болатын жолаушылар вагондарының өндірісі іске қосылады.
Сондай-ақ «Семей машина жасау зауыты» жылына 600 жартылай вагон шығару жоспарланып отыр.
«Railcast Systems» бандаж кешенін құру бойынша жоба іске асырылып жатыр, іске қосу мерзімі – 2025-2026 жылдар.
Сонымен қатар 2024 жылдың соңында Қостанай облысында серіппелер шығаратын зауыт іске қосылады деп жоспарланып отыр.
2025 жылы «Шығысмашзауыт» цехты жаңғыртуды аяқтауды жоспарлап отыр. Бұл орта және ірі вагон құюды, импортты алмастыруды қамтамасыз етпек.
