Көлік министрлігі жолаушылар мен көлік инфрақұрылымы объектілеріне баратын адамдарды, олар алып жүретін заттарды, оның ішінде қол жүгі мен багажды тексеру қағидалары мен талаптарына өзгеріс енгізбек.
Ведомство оған жеке басты куәландыратын қағаз құжатты немесе электронды құжатты тексеру жөнінде тармақ қосуды көздеп отыр.
«Бұйрық жобасын қабылдау жолаушыларға жеке басын куәландырған кезде цифрлық құжаттама қызметінен электронды құжат ұсынуға мүмкіндік береді», — делінген негіздемеде.
Яғни, жоба қабылданса жолаушылар телефоннан жеке құжатының электронды түрін көрсете алады.
Бұйрықтың жобасы «Ашық НҚА» порталында 11 қарашаға дейін қоғамдық талқылауға шығарылды.
Сурет: freepik.com
