Бүгін Санитариялық-эпидемиологиялық бақылау комитетінің төрағасы – ҚР Бас мемлекеттік санитарлық дәрігері қызметіне Сархат Бейсенова тағайындалды. Бұл туралы Үкіметтің баспасөз қызметі хабарлады.
Сархат Бейсенова 1972 жылы Ақмола облысында дүниеге келген. Қарағанды мемлекеттік медицина институтын, Тұран-Астана университетін бітірген.
Еңбек жолын 1989 жылы Ақмола облыстық онкология диспансерінде санитар болып бастаған.
1996-1998 жылдары Ақмола қаласы Санитариялық-эпидемиологиялық стансасының дәрігер-эпидемиологы, 1998-1999 жылдары Ақмола облыстық Ішкі істер басқармасының дәрігер-эпидемиологы және 1999-2002 жылдары Астана қаласы Мемлекеттік санитариялық-эпидемиологиялық қадағалау басқармасы эпидемиологиялық бөлімінің дәрігер-эпидемиологы, меңгерушісі қызметтерін атқарған.
2002-2007 жылдары Астана қаласы Санитариялық-эпидемиологиялық бақылау департаментінің бөлім басшысы, 2007-2009 жылдары Мемлекеттік санитариялық-эпидемиологиялық қадағалау департаменті директорының орынбасары – Астана қаласы бас санитарлық дәрігерінің орынбасары, 2009-2011 жылдары ҚР Денсаулық сақтау министрлігі Мемлекеттік санитариялық-эпидемиологиялық қадағалау комитеті Астана қаласы бойынша департаменті директорының орынбасары болған.
Кейін 2011-2014 жылдары ҚР Денсаулық сақтау министрлігі Мемлекеттік санитариялық-эпидемиологиялық қадағалау комитеті Астана қаласы бойынша департаменті директоры, 2014-2015 жылдары ҚР Тұтынушылардың құқықтарын қорғау агенттігі Астана қаласы Тұтынушылардың құқықтарын қорғау департаментінің басшысы қызметін атқарған.
2015-2017 жылдары ҚР Ұлттық экономика министрлігі Тұтынушылардың құқықтарын қорғау комитеті Астана қаласы Тұтынушылардың құқықтарын қорғау департаменті басшысының орынбасары, одан кейін 2017-2019 жылдары ҚР Денсаулық сақтау министрлігі Қоғамдық денсаулық сақтау комитетінің Астана қаласы Қоғамдық денсаулық сақтау департаменті басшысының орынбасары болған. Сонымен қатар 2019-2020 жылдары Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті Астана қаласы тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары лауазымы қызметін атқарған.
2020 жылдан бастап қазіргі уақытқа дейін Астана қаласы санитариялық-эпидемиологиялық бақылау департаментінің басшысы болды.
Еске салсақ, бұған дейін елдің бас санитарлық дәрігері қызметінде Айжан Есмағамбетова болды. Ол 9 шілде күні қызметінен босатылды.
Үкіметтің баспасөз қызметі таратқан ақпаратта Айжан Есмағамбетованың басқа жұмысқа ауысына байланысты осыған дейін атқарған лауазымды міндеттерінен босатылғаны айтылды.
Cурет: Үкімет
