Республикалық референдумға 369 халықаралық байқаушы тіркелген, деп мәлімдеді орталық сайлау комиссиясының төрағасы Нұрлан Әбдіров.
Оның айтуынша, 38 елден 133 адам және 11 халықаралық ұйымнан 226 қызметкер референдум кезінде бақылау жүргізу үшін аккредитациядан өткен.
«Халықаралық байқаушылардың қатысуы науқанның ашықтығы мен жариялылығын қамтамасыз етуге ықпал етеді», — деді Әбдіров.
Айта кетейік, таяуда Қазақстанның орталық сайлау комиссиясы DEMOSCOPE қоғам пікірін қадағалау бюросына «Қазақстандықтардың конституциялық реформаға көзқарасы» тақырыбында сауалнама жүргізуге тыйым салды.
фото: freepik.com
