Батыс Қазақстан облысында ұрланған жылқыны автокөлікке айырбастаған күдікті ұсталды, деп хабарлады Polisia.kz.
Жайылымда жүрген жеті жылқының ұрланғаны туралы арыз Бөкей ордасы ауданының тұрғынынан түскен.
Ұрланған мал Орал қаласындағы қасапханалардың бірінен бөлшектеліп жатқан сәтте табылып, тәркіленді. Төрт жылқы полиция келгенге дейін сойылған. Келтірілген шығын көлемі 2 миллион теңгеден асады.
Бұл дерек бойынша қылмыстық іс қозғалып, сотқа дейінгі тергеу басталды.
фото: Polisia.kz
