Таяу Шығыстағы әскери қақтығыс аймағында 9 мыңға жуық Қазақстан азаматы бар. Бұл туралы Сыртқы істер министрлігі хабарлады.
Атап айтқанда, Иранда 82 Қазастан азаматы бар. Ал Біріккен Араб Әмірліктерінде 3 500, Сауд Арабиясында шамамен 3 000, Қатарда 1 500, Бахрейнде 168, ал Израильде шамамен 100 қазақстандық тіркелген.
Азаматтардың көп бөлігі туристік бағыттарда, зиярат орындарында және ірі транзиттік тораптарда шоғырланған.
Қазір қазақстандықтарды Иран-Армения шекарасы арқылы елге қайтару мәселесі талқыланып жатыр. Әзербайжан да эвакуацияға қолдау көрсетуге дайын екенін білдірді.
Бұған дейін қазақстандық Air Astana әуе компаниясы Таяу Шығыс елдеріне ұшатын рейстерді тоқтатты.
flightradar24.com сайтындағы ақпаратқа сәйкес, Таяу Шығыстағы жағдай шиеленіскеннен бері Дубайдан алғаш рет жолаушылар ұшағы шығып, 3 наурыз күні сағат 8:30-да Астана халықаралық әуежайына қонды.
фото: istockphoto.com
