27 ақпанға қараған түні Пәкістан Ауғанстанның бірнеше қаласын, соның ішінде астанасы Кабулды әуеден соққылады. Бұл туралы Пәкістанның қорғаныс министрі Хаваджа Асиф мәлімдеді.
Хаваджа Асифтың айтуынша, бірнеше айға созылған қарулы қақтығыстан кейін екі ел арасында «ашық соғыс» басталған. Пәкістанның ақпарат министрі Аттаулла Тарар әскердің Кабулдағы, сондай-ақ Пактия және Кандагар провинцияларындағы нысандарға соққы жасағанын растады.
26 ақпанда ауғандық талибтер шекара бекеттеріне «ауқымды шабуыл» жасағанын хабарлады. Пәкістан билігі әзірге екі сарбаздың қаза тапқанын растап отыр.
Өткен аптада Пәкістан Ауғанстан аумағында түнде әуеден шабуыл жасаған. «Талибан» қозғалысының мәліметінше, соққының салдарынан кемінде 18 адам қаза тапқан.
Естеріңізге сала кетейік, өткен жылдың қазан айында Ауғанстандағы «Талибан» үкіметі мен Пәкістан арасындағы қарым-қатынас күрт нашарлады. 11 қазанда Пәкістан әскері Ауғанстандағы Читрал мен Белуджистан маңындағы бірнеше шекара бекетіне оқ атты. Пәкістан тарапы бұл соққыға жауап ретінде ауыр артиллерия, танктер, дрондар және жойғыш ұшақтарды қолданған.
фото: pixnio
