Қазақстан билігінен 176 адам босқын мәртебесін беруді сұрап отыр, деп мәлімдеді Еңбек және халықты әлеуметтік қорғау министрлігі.
Қазір елде 304 шетелдік босқын ретінде тіркелген. Ал өтініш бергендердің қай ел азаматы екені нақтыланбады.
Босқын статусы нәсіл, ұлт, дін, жынысына немесе саяси көзқарасына байланысты қудалауға ұшырау қаупі бар азаматтарға беріледі.
Айта кетейік, бұған дейін Қазақстан билігі соғыстан қашып келген кейбір ресейліктерге босқын мәртебесін бермеген. Сондай-ақ Өзбекстан билігі тарапынан қудалау бар екенін айтқан бірқатар қарақалпақ белсенділері де бұл мәртебені ала алмаған.
фото: freepik.com
