Қазақстанның орталық сайлау комиссиясы DEMOSCOPE қоғам пікірін қадағалау бюросына «Қазақстандықтардың конституциялық реформаға көзқарасы» тақырыбында сауалнама жүргізуге тыйым салды.
«MediaNet халықаралық журналистика орталығы« қоғамдық қорының мәліметінше, «Қазақстан Республикасындағы сайлау туралы» заңның 28-бабы 9-тармағына сәйкес MediaNet 2012 жылдан бері сайлау және референдум тақырыптарын қоса алғанда, қоғамдық пікірге тұрақты түрде сауалнама жүргізіп келеді. Алайда бұл жолы комиссия «Республикалық референдум туралы» заңның 8-3-бабына сүйеніп, халықаралық ұйымдардың референдумға қатысты шараларды қаржыландыруына тыйым салынатынын негізге алған.
MediaNet өкілдері шетелден қаржыландырылатын сауалнаманы референдум өткізу шараларымен теңестіруге болмайтынын және қоғам пікірін зерттеу референдумды ұйымдастыруға әсер етпейтінін алға тартты.
Сондай-ақ 2024 жылы қорға АЭС салуға қатысты референдум жөніндегі зерттеуге де келісім берілмеген.
фото: istockphoto.com
