Таяуда желіде eGov порталы арқылы өтініш берген әр азамат бірден әлеуметтік көмек алады деген ақпарат тарады.
Еңбек және халықты әлеуметтік қорғау министрлігі бұл мәліметті жоққа шығарды.
«Әлеуметтік көмек – мемлекеттің атаулы қолдау шарасы және белгіленген мұқтаждық критерийлеріне сәйкес келетін, қиын өмірлік жағдайға тап болған азаматтарға ғана көрсетіледі», — делінген хабарламада.
Қазір әлеуметтік көмек ала алатын азаматтар санаты мен қажетті құжаттар тізімі әр өңірде жеке бекітіледі және жергілікті атқарушы органдардың ресми интернет-ресурстарында жарияланады.
Айта кетейік, қаңтар айының соңында әлеуметтік төлем алатын азаматтардың құжаттары кері тексерілетіні белгілі болды.
фото: freepik.com
