Тамызда оңтүстік мегаполисте жалға берілетін пәтерлердің бағасы 1,5%-ға көтерілді. Жаздың соңында Алматыда көрсеткіштің бұлай баяу өсуі соңғы төрт жылда алғаш рет байқалып отыр. Салыстырып көріңіз, 2023 жылы 3,5%-ға, 2022 жылы 26,6%-ға, ал 2021 жылы 14,7%-ға өскен еді.
Бағаның күрт көтерілуін күту орынды. Себебі Алматыға барлық жоғары оқу орындары студенттерінің шамамен үштен бірі (187 мың адамға жуық) тиесілі. Олардың көпшілігі басқа қалалардан келетіндіктен, оқу аяқталғанша тұрғын үй жалдайды. Алайда бұл жолы олардың келуі нарыққа айтарлықтай әсер етпеген сияқты.
Ал басқа мегаполистерде жағдай қалай?
Астанада тұрғын үй жалдау бағасы 1,9%-ға, Шымкентте 2,8%-ға қымбаттады. Екі жағдайда да өсу қарқыны жоғары болғанымен, студенттер бұған көп ықпал етпеген секілді.
Біріншіден, бұл қалаларда студенттер саны әлдеқайда аз – жалпы санның шамамен 25%-ын құрайды.
Екіншіден, бұрын оқу жылының қарсаңында аталған қалаларда баға қатты өспейтін.
Дереккөз: DataHub
Сурет: freepik.com
