Бүгін, 3 қаңтарда Қарағанды облысының дене шынықтыру және спорт басқармасының басшысы Серік Сәпиев пен оның орынбасары Даурен Есімханов қызметінен босатылды. Бұл туралы облыс әкімдігі хабарлады.
Енді Сәпиев туризм және спорт министрінің кеңесшісі қызметін атқарады.
Айта кетейік, 21 қаңтарда желіде Серік Сәпиев пен орынбасары Дәурен Есімханов арасындағы жанжалдың видеосы тарады. Артынша басқарма басшысы полицияға соққыға жығылғаны туралы арыз жазып, оқиға бойынша қылмыстық іс қозғалған.
25 қаңтарда Сәпиев орынбасарымен облыстағы спорт ұйымдары басшыларын тағайындау кезінде келісе алмағанын хабарлады.
Қарағанды облысының әкімі Ермағанбет Бөлекпаевтың айтуынша, мемлекеттік қызмет істері агенттігі басқарма жұмысына тексеру жүргізеді.
Ол спорт саласындағы жүйелі реформаларды жалғастыру ниетін білдірді. Ал Даурен Есимханов әлеуметтік желілер мен БАҚ-та тараған ақпараттың шынайы жағдайды көрсетпейтінін айтып, арандатушылыққа ермеуге шақырған.
фото: gov.kz
