SpaceX компаниясы жасанды интеллектке арналған орбиталық деректер орталығының желісін құру мақсатында орбитаға шамамен 1 миллион жер серігін ұшырмақ. Бұл жөнінде Bloomberg агенттігі хабарлады.
SpaceX компаниясының айтуынша, аталмыш бастама — Кардашев шкаласы (планетаның барлық энергиясын тиімді пайдалану) бойынша көтерілу үшін маңызды саты.
Спутниктер орбитада деректер орталығының қызметін атқарады және күн энергиясы арқылы жұмыс істейді. Компания АҚШ билігіне бұл жобаға рұқсат алу үшін өтініш жолдаған.
Айта кетейік, 2025 жылдың тамызынан бастап қазақстандықтар SpaceX компаниясына тиесілі төмен орбиталы Starlink спутниктері желісі арқылы интернетке қосыла алады.
