Елде 2023 жылдан бері «Қолжетімді интернет» жобасы аясында 504 елді мекен интернетке қосылды. Бұл туралы жасанды интеллект және цифрлық даму министрлігі хабарлады.
Жоба талшықты-оптикалық байланыс желілерін тарту және ұялы байланыс станцияларын орнату экономикалық әрі техникалық тұрғыдан қиын шалғай және халқы аз ауылдарды интернетпен қамтамасыз етуге бағытталған.
3 жылда KazSat спутниктері арқылы 176 ауыл,OneWeb технологиясы арқылы, Jusan Mobile операторының қатысуымен тағы 328 ауыл желіге қосылған.
Айта кетейік, 2025 жылдың тамыз айында Қазақстан Starlink жүйесі жұмысын бастады. Бұл – шалғай өңірлерді жоғары жылдамдықтағы интернетпен қамтамасыз етудегі маңызды қадам.
фото: freepik.com
