Қазақстанда әлеуметтік төлем алатын азаматтардың құжаттары кері тексеріледі. Бұл туралы Еңбек және халықты әлеуметтік қорғау министрлігі хабарлады.
Министрлік тапсырмасы бойынша әскери қақтығыстарға қатысқан ардагерлердің мәртебесі мен медициналық диагноздары тексеріледі. Қазір арнайы комиссиялар құрылып, әскери билеттер мен архивтік мәліметтер мемлекеттік деректер қорымен салыстырылып жатыр.
2020 жылы елде «Ардагерлер туралы» заң қабылданды. Заң жобасының аясында бұрын ардагер мәртебесін алмаған азаматтар әлеуметтік көмек алуға өтініш беруге мүмкіндік алды.
Министрліктің дерегінше, қазір әлеуметтік төлем алу үшін жалған ақпарат ұсынатын
азаматтардың саны артқан.
2023-2025 жылдар аралығында 10,6 мың азаматтың медициналық-әлеуметтік сараптамаға негізсіз жолданғаны анықталды. Түркістан, Атырау және Батыс Қазақстан облыстарында бұл жағдайлар ең көп тіркелген. Атап айтқанда Түркістанда 403, Атырауда 241 және БҚО-да 224 заңбұзушылық анықталды.
фото: freepik.com
