Экономиканың нақты секторын дамытуға 8 трлн теңге бөлу жоспарланып отыр. Бұл туралы үкімет отырысында премьер-министрдің орынбасары Серік Жұманғарин хабарлады.
«Биыл нақты табыс өсімі 2-3%-дан жоғары болуға тиіс. Бұл экономиканың тұрақты әрі сапалы өсуін қамтамасыз ету және инфляцияны төмендету есебінен жүзеге асады. Экономикалық өсім кемінде 5%-ды құраса, негізгі капиталға салынатын инвестициялар көлемі ЖІӨ-нің 18%-ына дейін артады», – деді Ұлттық экономика министрі.
Экономиканың нақты секторына өндіріс, құрылыс, кен өндіру секілді салалар кіреді.
Басымдық экспорт пен импортты алмастыратын терең өңдеу салаларын дамытуға беріледі. Сонымен қатар үкімет ұлттық банк және қаржы нарығын реттеу және дамыту агенттігімен бірлескен 2026-2028 жылдарға арналған макроэкономикалық тұрақтандыру және халықтың әл-ауқатын арттыру бағдарламасын іске асыруды жалғастырады.
фото: freepik.com
