Ресейдің Череповец қаласындағы өндірістік нысанда екі Қазақстан азаматы мерт болды. Бұл туралы «Северсталь» компаниясы хабарлады.
14 қаңтарда Череповец металлургия комбинатының өндірістік алаңынан мердігер ұйымдардың екі қызметкерінің денесі табылған. Аталған комбинат «Северсталь» компаниясының бөлімшелерінің бірі саналады.
Қазір тергеу жұмыстары жүріп жатыр.
Ішкі істер министрінің бұрынғы орынбасары, сенат мүшесі Марат Қожаев қайғылы жағдайға қатысты түсініктеме берді.
Оның сөзінше, аталмыш жағдайларда барлық тергеу рәсімдері оқиға болған елдің заңнамасына сәйкес жүргізіледі.
«Егер өлім қылмыстық сипатқа ие болса, тергеуді Ресейдің құқық қорғау органдары жүргізеді, ал Қазақстан тиісті құқықтық көмек көрсетеді», — деді ол.
Айта кетейік, 2025 жылы шетелде жұмыс істейтін қазақстандықтардың саны 126 мың адамды құрады. Олардың 102 мыңы Ресей аумағында қызмет етеді.
Sarapshy.info редакциясы жұмыс іздеп Ресейге кеткен Қазақстан азаматынан сұхбат алды.
Оқыңыз: Қазақстан шетелде жұмыс істейтіндерге неге қауіпсіз маршрут ұсынбайды?
