Қазақстанда сиыр етін экспорттауға қатысты квоталардың 2026 жылдың 30 маусымына дейін ұзартылу себебі белгілі болды. Бұл туралы Ауыл шаруашылығы министрлігі хабарлады.
Шектеулер 2025 жылдың желтоқсанында енгізілген. Квота бойынша бары 20 мың тонна ет экспорттауға болады. Бұл лимит Еуразиялық экономикалық одаққа шығатын өнімге де, өзге елдерге экспортталатын етке де қатысты.
Квота мөлшері мал бордақылау алаңдарының қуатына байланысты белгіленеді. Министрлік өкілдері кейбір компаниялардың малды бордақыламай, тек қайта сату арқылы экспортқа шығаратынын атап өтті.
Аталмыш кәсіпкерлердің әрекеті салдарынан нарықтағы баға өсіп, сұраныс пен ұсыныстың теңгерімі бұзылады, деді ведомство. Квоталар арқылы өндіріске инвестиция құятын кәсіпкерлерді қолдау және сиыр етінің қолжетімділігін арттыру жоспарланған.
фото: freepik.com
