Қазақстанда денсаулық жағдайына байланысты көлік айдай алмайтын азаматтардың жүргізуші куәліктері күшін жоя бастады. Бұл туралы Денсаулық сақтау министрлігі хабарлады.
Ішкі істер министрлігі мен Денсаулық сақтау министрлігі өз дерекқорларын салыстырып, диспансерлік есепте тұрған шамамен 370 мың адамды тексерген.
Тізімдегі 273,8 мың адамның жүргізуші куәлігі жоқ. Қалған 96 мың азаматқа бұрын жүргізуші куәлігі берілген. Диспансерлік есепте тұрған 41,7 мың адамның құжаттары бұған дейін күшін жойған, ал қалған 54,4 мың адамның жүргізуші куәлігі әлі жарамды.
Тексеріс нәтижесінде сот органдарына 4540 арыз жолданып, 1787 жүргізуші куәлігінен айырылды.
фото: pddtest.kz
