27 желтоқсанда Қазақстанның тұңғыш президенті Нұрсұлтан Назарбаев Мәскеуге барып, Ресей президенті Владимир Путинмен кездесті. Бұл туралы Кремльдің баспасөз қызметі хабарлады.
Бұған дейін Нұрсұлтан Назарбаев 29 мамырда Мәскеуге барған. Ол кезде оның баспасөз хатшысы Айдос Үкібай бұл сапардың жеке әрі бейресми сипатта өткенін айтқан. Кейін Сенат төрағасы Мәулен Әшімбаев та Мәскеуге сапары барысында Нұрсұлтан Назарбаевтың ешқандай ресми мәртебесі болмағанын түсіндірді.
Кездесу Кремльдің асханасында өтті, бұл Ресей тарапынан сенім белгісі саналады. Путин аталған жерде ҚХР төрағасы Си Цзиньпин және Беларусь президенті Александр Лукашенкомен кездескен.
