Орал қаласында 4 миллион теңгеден астам қаражат бопсалады деген күдікпен 21 жастағы азамат ұсталды. Бұл туралы облыстық полиция департаменті хабарлады.
Күдікті бірнеше ай бойы күш қолданамын деп қорқытып, 24 жастағы тұрғыннан ірі көлемде ақша бопсалап келген. Сонымен қатар ол жәбірленушіні миркоқаржы ұйымынан ұсақ қарыз алуға мәжбүрлеп, алынған ақшаны өз пайдасына жаратқан.
Қазір ол уақытша ұстау изоляторына қамалды. Тергеу деректеріне сәйкес келтірілген материалдық шығын көлемі 4 миллион теңгеден асады.
фото: polisia.kz
