OPEC+ ұйымы келесі жылдың бірінші тоқсанында тәулігіне өндірілетін мұнай көлемін өзгеріссіз қалдыру туралы шешім қабылдады. Бұл туралы Reuters агенттігі хабарлады.
Құрамына Сауд Арабиясы, Ресей, БАЭ, Қазақстан, Кувейт, Ирак және Оман кіретін OPEC+ 2025 жылы өндірісті арттыруды қолға алған болатын. Ұйым әлемдік мұнайдың жартысын өндіреді.
OPEC+ басшылығы жексенбіде онлайн форматта төрт отырыс өткізбек: алдымен OPEC министрлері, одан кейін JMMC комитеті, толық құрамдағы OPEC+ және соңынан өндірісті арттырып жатқан сегіз елдің кездесуі өтеді.
Айта кетейік, OPEC+ отырысының алдында әлемде мұнай бағасының қымбаттағаны байқалады. 21 қарашада Brent маркалы мұнайдың ақпан айына арналған фьючерстері барреліне 62 доллар деңгейінде саудаланды. Қаңтарда бұл көрсеткіш барреліне 59 доллар еді.
Мұнай нарығында өндірушілердің саны артып, өнім бағасының төмендеуіне байланысты Сауд Арабиясы мен оның серіктестері 2026 жылдың бірінші тоқсанында мұнай өндірісін тежеу туралы шешім қабылдамақ.
OPEC+ бірнеше жыл бойы мүше елдердің өндірістік қуатын анықтайтын механизмді талқылап келеді. Дереккөздерге сенсек, жексенбіде өтетін отырыста елдер арасында өндірістік қуатты бағалау тетігіне қатысты жаңа келісім жасау жоспарланып отыр.
фото: istockphoto.com
