Қазақстанда ауа-райына байланысты мезгілдік шектеулер күшіне еніп, камералар жылдамдықты 80 км/сағ-тан асырған азаматтарды тіркей бастады. Бұл туралы “Қазавтожол” ұлттық компаниясы хабарлады.
Ережеге сәйкес, қарлы боран, көктайғақ немесе тұман кезінде республикалық трассаларда рұқсат етілген ең жоғарғы жылдамдық – 80 км/сағ. Қолданыстағы заңнама бойынша автомагистральдарда 140 км/сағ, ал бөлінген жолақтары бар жолдарда 110 км/сағ жылдамдықпен жүруге рұқсат етіледі.
Қазір орташа жылдамдықты өлшейтін камералар республикалық маңызы бар ақылы жолдардың 13 учаскесінде жұмыс істейді: Астана-Щучинск, Жібек Жолы-Теміртау, Астана-Павлодар, Шымкент-Қызылорда, Шымкент-Өзбекстан шекарасы, Шымкент-Тараз, Тараз-Қайнар, Қонаев-Талдықорған, Павлодар-Семей-Қалбатау, Оралй-РФ шекарасы (Саратов бағыты), Павлодар-РФ шекарасы (Омбы бағыты), Бейнеу-Ақжігіт, Орал-РФ шекарасы (Самара бағыты).
фото: freepik.com
