Жүзу сабағы мектептегі дене шынықтыру бағдарламасына қосылады. Бұл туралы Qazaq Aquatics федерациясының бас хатшысы Дмитрий Баландин хабарлады.
Оның айтуынша, UNICEF бағдарламасына сәйкес жүзу әрбір бала үшін қолжетімді болуға тиіс.
«Жоба алдымен Астана мен Алматы қалаларында енгізіледі. Кейін республика бойынша кезең-кезеңімен жүзеге асады», — деді ол.
Қазір Қазақстанда 350-ден астам бассейн бар. Балаларды үйретуге бассейн жаттықтырушылары жауапты болады.
фото: freepik.com
