Қазақстан үкіметі батыс аймақты бірыңғай энергетикалық жүйемен қамтамасыз етуді жоспарлап отыр. Бұл жөнінде премьер-министрдің баспасөз қызметі хабарлады.
Энергетика саласы Ресей федерациясы мен Орта Азия мемлекеттерінің жүйелерімен штаттық режимді жұмыс істейді. Қазақстанда 237 энергия көзі бар, соның 158-і – жаңартылған қуат көздері. Бірақ электр энергетикасының 70%-дан астамы көмір генерациясы арқылы беріледі.
Оқыңыз:
Үкімет отырысында Бектеновтың Батыс аймақ деп отырғаны – Атырау мен Ақтөбе облыстарындағы жобалар. Оның операторы — «KEGOC» АҚ.
Біртұтас электр энергетикалық жүйе (БЭЭЖ) — жоғары және аса жоғары кернеулі (500, 750 және 1150 кВ) электр жеткізу желілерімен біріктірілген және бір не бірнеше елдің аумағын электр энергиясымен қамтамасыз ететін электр энергетикалық жүйелердің жиынтығы.
«KEGOC» АҚ басқарма төрағасы Нәби Айтжанов аталған облыстардағы электр станцияларының жұмысын күшейтуді жобалап отырғанын хабарлады. Оның айтуынша, 2027 жылға дейін ұзындығы 604 шақырым болатын 500 кВ электр желісі тартылады.
Оқыңыз:
Батыс Қазақстан облысында электр желісінің 80%-ы тозған. Энергетика министрлігі инвестиция көмегімен желі жаңалау көзделіп отырғанын мәлімдеген.
фото:
